أعلنت منصة نتفليكس عن عودة شخصية علا عبد الصبور من خلال الموسم الثاني لمسلسل "البحث عن علا"، والذي من المقرر عرضه في 26 سبتمبر الجاري.

تحدث صناع العمل عن تفاصيل أكثر وكواليس الكتابة والإخراج، خلال مؤتمر صحفي، ضم المؤلفة غادة عبد العال، وأعضاء ورشة الكتابة هناء محمود، وسيف عمر، وزيزيت سعيد، وهشام حمزة، والمخرج هادي الباجوري.

نرشح لك: سارة عصام تكشف تفاصيل شخصيتها في "البحث عن علا 2"

وفيما يلي أبرز تصريحاتهم:

قالت المؤلفة غادة عبد العال، إن نجاح الجزء الأول كان تحدي، مضيفة: "فكرة إحنا رايحين بعلا على فين، والتحدي اللي هي هتقابله دلوقتي، وكمان الشخصيات الأخرى في العمل في الجزء الثاني في مساحة أكتر للشخصيات المختلفة اللي حواليها كل واحد له رحلة"، موضحة أن نهتم كانت تحقيق التوازن بين الشخصيات وبين الدراما والكوميديا.

استكملت: "بشوف نفسي في جزء من علا، هي مش بتمثلني أنا بشكل كامل، هي بتمثل ستات كتير والتحديات اللي الستات بتعيشها في مصر، تحدي الارتباط والشغل الجديد وأنك تفني حياتك في بناء أسرة بعدين تلاقي نفسك في الهوا ومحتاجة تبدأي من أول وجديد، إحنا جمعناهم في علا علشان تمثل نسبة كبيرة من المشاهدات".

أشارت إلى أن رجوع شخصية الأخ "حازم" بسبب الاهتمام بمساحة العائلة في العمل وعرض طرق التربية المختلفة بين الأجيال على الشاشة.

أما المخرج هادي الباجوري، فجاءت أبرز تصريحاته كالتالي:

الموسم الثاني حدوتة جديدة وشخصية مختلفة وأحداث هذا الموسم ليس لها علاقة بالموسم الأول، هي تكملة لكن الأحداث كلها جديدة، مضيفا: "هو كتركيبة شبه الجزء الأول بس بالنسبة لي كنت بحاول ادور على حاجة تاخد اتجاه مختلف تعمل فيه حاجة مختلفة، فهو ده كان إنك لازم تتحدى نفسك".

من الأشياء التي تم التركيز عليها في هذا الموسم خلال الكتابة هو اتجاه علاقات علا، في الموسم السابق كانت تعرف رجال أكثر وتعطي فرص للناس وتقابل ناس غريبة فهي كانت منفتحة على هذا الأمر، لكن هذه المرة الموضوع مختلف، هي شخصية واحدة وخط معين مختلف عن الجزء الأول.

ظافر العابدين يعرف المشروع وأهمية العمل، "بيبقى ليها حسبة تانية، إن أنت تبقى جزء من عمل ناجح، مع الأسف مش كل الممثلين بيفكروا كده إن هو يبقى جزء من عمل ناجح حتى لو مش هو البطل، فيه ممثلين مابيفهموش ده ويبقى عنده عدم ثقة في نفسه إن هو يقف قدام بطلة، بطولة ست، إنما ده راجل واثق من نفسه وشغله فمكنش فيه أي مشكلة"

تم الاستقرار على ظافر العابدين والاتفاق معه أثناء الكتابة.

ظافر يعرف أن المسلسل بطولة هند صبري والبطلة ممثلة شاطرة جدا والجزء الأول ناجح فهو سيكون جزء من هذا المشروع، وأعتقد أنه ذكي جدا.

يمكن عمل أكثر من جزء من المسلسل.

ويضم فريق التمثيل كوكبة من النجوم: من بينهم هند صبري وظافر العابدين وسوسن بدر وهاني عادل وندا موسى ومحمود الليثي وآيسل رمزي وعمر شريف وياسمينا العبد وطارق الإبياري.