أعرب الفنان شريف إدريس عن غضبه بعد اعتزال كريم الحسيني، ورغبته في السفر إلى الخارج وتنظيف الصحون أو مسح الأحذية إذا لزم الأمر، وتحدث عن معاناة أبناء جيله.

وكتب شريف إدريس منشورًا بعد اعتزال كريم الحسيني، عبر حسابه الشخصي بموقع التواصل الاجتماعي فيس بوك، قال فيه: 

"ماهر عصام الله يرحمه، معوض إسماعيل، أحمد عقل، أحمد عزمي، نادر حسن، فادي خفاجي، هند حسني، أحمد عزت، كريم الحسيني.. معظم أبناء جيلي وغيرهم، إحنا جيل إتفرم يا حضرات، فينا اللي عافر وكمل وفينا اللي استسلم لأنه تعب وظروف الحياة أبعدته".

تصريحات شريف إدريس عن معاناة جيله

واستكمل شريف إدريس: 

"ماتستهونش بإن إحنا كنا بنمثل وإحنا صغيرين، إحنا جيل ركبنا السبنسة في قطر الطفولة، علشان كنا بنشتغل وبنساعد أهالينا، كبرنا بدري بدري وشفنا اللي ماحدش شافه، وعيشنا مراهقتنا وشبابنا بنعافر، علشان نلحق كرسي في قطر الفن، فلقينا نفسنا متعلقين في الباب، ومش عارفين نركب برغم إن إحنا دفعنا تمن التذكرة غالي قوي من عمرنا وطفولتنا وحياتنا".

بعد أحمد عزمي.. كريم الحسيني يعلن الاعتزال: «مستعد أغسل صحون وأبيع جرائد»

وأضاف شريف إجريس: 

"عيشنا وإتربينا في الوسط، ودرسنا وشقينا وسعينا وتعبنا، وكل حلمنا فرصه تكلل مجهودنا، أصعب شيء في الكون لما تشوف عمرك وتعبك ودراستك وحياتك كلها بتروح هدر قدام عنيك وانت واقف عاجز".