رد الفنان رامي جمال على الانتقادات التي تعرض لها بشأن إحيائه حفل غي إحدى الحدائق التي تسمم كلاب الشوارع، مؤكدا على عدم علمه بذلك مسبقا.

أضاف "جمال" خلال مقطع فيديو نشره عبر حسابه على "إنستجرام": "أنا شفت امبارح على السوشيال ميديا قصة كالعادة من أي حد قلبه قاسي من الناس اللي بتأذي مخاليق ربنا وبيأذوا الكلاب سمعت إنه حصل في حديقة بتسمم الكلاب الحفلة اللي كانت في الحديقة دي حفلتي وأنا شايف اسمي في البوست وشايف اسم رامي صبري وتامر حسني وهم لسه معملوش حفلات هناك".

أكد: "أنا راجل مش بحب الكلاب.. الكلاب دي بالنسبة لي هي حياتي.. هم أولادي مش كلابي اللي عندي بس لا كلاب الشارع تحديدا كمان.. كلاب الشارع دي حاجة أصعب بكتير إن إحنا نحاول نخلي بنا منهم بوجه كلامي لأي حد ممكن يقتل كلب حسبي الله ونعم الوكيل لإنك بتقتل روح معتقدش أذتك في أي حاجة مجرد خوفك منها مش سبب خالص خالص لإنك تقتلها".

أشار: "مقدر خوف أولادك منها مش سبب لإنك تقتلها مقدر خوفكوا منهم لكن هما مش حيوانات مؤذية خالص هما يمكن حتى اللي فيهم بيهوهوا ويبين إن هو بيخوف ده من كتر ما اتأذى من البني آدمين لكن هو في الآخر ما بيعملش حاجة ده ما يمنعش إن أكيد في حالات حصلت في الدنيا بتاعتدة إن كلاب عضت ناس دي حاجة مقدرش وينكرها لكن 99% من الكلاب كلاب غلبانة وأليفة جدا".

أوضح: "أنا كفنان مستحيل أوافق بحاجة زي دي مش عشان أنا مربي كلاب عشان أنا بحب الكلاب مفيش فنان هيوافق بحاجة زي دي.. والفنانين التانين مالهمش ذنب ومحدش فينا بيبقى عارف ونازل من بيته النهاردة مين أذى مين؟ بتوع الحديقة مش هيقولولنا إحنا قتلنا كلاب فتعالوا عشان الحفلة تتعمل، محدش فينا هيتقالوا كده ومحدش فينا هيرضى بكده".

أردف: "أنا أكتر حاجة مفرحاني في الدنيا إن الحمد لله بقت شايف إن الناس 99% منهم عندهم رحمة في قلوبهم عارفين إن قتل الكلاب دي حاجة مش مسموحة خالص أذية الحيوانات والقطط والكلاب وأي حيوان ربنا خلقه ربنا لو كان عايز الروح دي مش موجودة كان خدها هو متأذيش أنت وما تبدأش أنت بالأذى لإن الأذى مردود والله".