وجهت الفنانة إيمي سمير غانم نصيحة لجمهورها، بعد مرور أوقات ومواقف عديدة في حياتها دون وجود والديها الراحلين الفنان سمير غانم والفنانة دلال عبد العزيز، مشيرة إلى أنها تفتقدهما بشدة.

قالت "غانم" عبر حسابها الرسمي على موقع تبادل الصور والفيديوهات "إنستجرام": "كل شوية أقول امتي أشوفكم، بجد الفراق فعلا من أصعب الحاجات اللي بنحس بيها.. ربنا يصبر كل اللي حاسس بيا".

أضافت أنها دوما تكون بحاجة إلى التحدث إليهما كما كانت تتنمى أن يرون ابنها "فادي"، مضيفة: "بكون عايزة أحكي لهم بشوف إيه في حياتي ومين مزعلني ويشوفوا ابني.. تفاصيل كتير وطبعا الحياة لازم تستمر والكلام اللي أنتم عارفينه ده، ونشتغل ونربي أولادنا ونضحك ونعيش أيامنا بس التفكير فيهم مش بيهدأ".

وفي ختام حديثها وجهت نصيحة لجمهورها، قائلة: "ربنا يخلي لكم باباكم ومامتكم تفضلوا تحت رجليهم كل يوم، مش مهم الأصحاب مش مهم السفر مش مهم غير أنهم يكونوا هما وأولادكم كل يوم معاكم، و ربنا يصبر كل الناس.. الفاتحة وربنا يغفر لهم ويجمعنا بيهم في الجنة".