أشرف زكي : رامز بيحب أسماء جلال والموضوع هزار.. "الدنيا سخنت بسبب السوشيال ميديا" - بوابة نيوز مصر

أكد الدكتور أشرف زكي، نقيب المهن التمثيلية، أن الأزمة بين الفنانة أسماء جلال والفنان رامز جلال نتجت عن سوء فهم، مشيرًا إلى أن رامز دايمًا تعليقاته معروفة، وأكد أنه لم يقصد أي إساءة.

وقال اشرف زكي، خلال لقاءه مع الإعلامية أسما إبراهيم، ببرنامج «حبر سري»، على شاشة «القاهرة والناس»، : «هو بيحب أسماء جلال جدا، واللي حصل كان هزار، لكن أحيانًا الطرف الآخر ما يتقبلش الهزار، خصوصًا مع اشتعال السوشيال ميديا، فالدنيا سخنت»، مضيفًا: «أنا واثق إن رامز ما يقصدش إطلاقًا أن يسيء لأسماء جلال أو لأي حد، وإن شاء الله الموضوع هيتعالج ويتلم بالطريقة اللي ترضيها وتصح المسار».

وواصل: «أنا ما شفتهاش على الهواء، شفتها بعدين، كل واحد هيفسرها بطريقته، يمين هيفسرها يمين، شمال هيفسرها شمال، لكن أنا ما أعتقدش إن القصد كان إساءة، واستحالة يكون قصد إساءة».

وأشار اشرف زكي إلى أنه تواصل مع أسماء جلال شخصيًا، لكنه لم يتواصل بعد مع رامز جلال، قائلاً: «لسه ما كلمتش، لأن مش عارف بيصور ولا خلص ولا إيه»، مضيفًا: «في ناس بتقول إن اللي رايح برنامج زي كده عارف إنه بيكون في مقدمات زي كده ودي مش جديدة، وبتظهر على طول».