خدت قلم على وشي.. لقاء الخميسي تتحدث عن تفاصيل معرفتها بزواج عبد المنصف - بوابة نيوز مصر

تحدثت الفنانة لقاء الخميسي، عن تفاصيل معرفتها بزواج زوجها محمد عبد المنصف، خلال الـ 7 سنوات الماضية سرا، مشيرة إلى أنها علمت بطريقة لئيمة كما وصفتها خلال إحدى الأشهر الماضية.

تفاصيل معرفة لقاء الخميسي بزواج زوجها عبد المنصف

وقالت الفنانة لقاء الخميسي، خلال تصريحات لها رصدها موقع تحيا مصر، في برنامج Mirror: عرفت من شهر 10 من وأنا في الجونة بشكل لئيم، حد كان جاي قاصد يوصلي المعلومة ولما رجعت قولتله وبعدها بيومين قالي إن ده حصل، مستقبلتش الخبر بـ هدوء خالص وحسيت أني خدت قلم على وشي والدنيا أسودت على الكل، وعلى مدار 7 سنين محستش بأي تغيير ولا شكيت فيه ومقصرش معانا ولا كان فيه أي غلطة.

أول تعليق من لقاء الخميسي على أزمتها مع زوجها عبد المنصف

وخلال الفترة الماضية شاركت الفنانة لقاء الخميسي، صورا وفيديوهات تجمعها بأسرتها، عبر صفحتها الرسمية على موقع التواصل الاجتماعي إنستجرام، وعلقت عليه: الدنيا دايمًا بتمتحنّا، ما بين أيام تفرّح القلب وأيام تقسى علينا وتوجعنا، وساعات كتير بنضيع ونحتار مع نفسنا. وسط الوجع، بتطلع الحكمة، ونقعد نسأل: اللي عدّينا بيه كان شر ولا كان درس؟ كان خسارة ولا بداية فهم جديد؟

ومع مرور الوقت، لما النفس تهدى، والعقل يراجع، والقلب يسمع لصوته، بنفهم إن الغلط جزء من طبيعتنا كبشر. كلنا ممكن نغلط ونلخبط الطريق، لكن الفرق الحقيقي بين الناس إن في اللي يكمّل في الغلط، وفي اللي يقف، يراجع نفسه، يندم، ويرجع للحكمة والصواب.
زي ما ربنا قال: «خطّاؤون، وخير الخطّائين التوابون»… مفيش إنسان معصوم، لكن القوة الحقيقية في الاعتراف بالغلط والرجوع عنه، وربنا دايمًا فاتح باب الرحمة والمغفرة.

لقاء الخميسي: بشكر كل إنسان وقف جانبي 

وتابعت: من قلبي، بشكر كل إنسان وقف جنبي، ودعمني، وخفّف عني بكلمة طيبة أو دعوة صادقة. شكرًا لأصحابي القريبين اللي ما سابونيش لحظة، ولكل الناس على السوشيال ميديا اللي غمروني بمحبتهم وطيبة قلوبهم، وخلّوا أيامي أنور وأخف.

آخر حاجة حابة أقولها: أسهل شيء في الدنيا هدم البيوت، وأصعب وأقوى شيء إننا نحافظ عليها. الحفاظ على الأسرة مسؤولية كبيرة، ومحتاج شجاعة وصبر وحب. بيوتنا وأولادنا يستاهلوا إننا نقاتل علشانهم، ونحميهم بالوعي والمودة والسلام.