جبث 50% في ثانوي وحلمي كان اني اكون مصور.. أبرز تصريحات شريف سلامة في صاحبة السعادة - بوابة نيوز مصر

حل الفنان شريف سلامة ضيفا، على برنامج صاحبة السعادة من تقديم الإعلامية إسعاد يونس، في حلقة خاصة تحدث خلالها عن العديد ن التفاصيل والأسرار الشخصية الخاصة بطفولته وحياته قبل الشهرة.

تصريحات شريف سلامة في صاحبة السعادة 

وتحدث الفنان شريف سلامة في بداية حلقته مع صاحبة السعادة، وفقا لما رصده موقع تحيا مصر، عن بداية حلم ممنذ الصغر:  وانا صغير طول عمري بحب الفن وعندي سؤال طول الوقت اني هيبقي ايه وكنت بحب التصوير  ورتبت اني هكون مصور واسافر وتصور الحيوانات والطبيعية، جبت ٥٠٪ في ثانوي ودخلت معهد سينما وكان معايا كاميرا ونزلت اصور وعرفت الناس اكتر ودخلت جواه الناس.

وتابع شريف سلامة: عادل أديب كان معايا في معهد سينما وهو اللي خلاني ادخل تمثيل مع اني مكنش عايز  وكنت بسقط كتير لاني كنت بركز في اني اكون مساعد مخرج وقعد كده ٧ سنين. 

واكد أنه يعشق الغوص في دواخل البشر وفهم طريقة تفكيرهم، معتبرًا أن هذا الشغف هو السبب الحقيقي وراء اتجاهه للتمثيل، مشيرًا إلى أن دراسته بمعهد الفنون المسرحية كانت المحطة الأهم التي صقلت موهبته وحوّلت تأمله وانطوائيته إلى أداة إبداعية على الشاشة.

شريف سلامة: انا من شبرا الخيمة والشارع هو اللي رباني 

وقال شريف سلامة: الشارع هو اللي رباني وكنت بحب العب نحله وسبعاوية وكنت عفريت وشاطر جدا وانا من شبرا الخيمة من بهتيم  وكان لازم اكون موجود في الحياة دي وكنت بفكر دائما ايه اللي هيحصل،  اتعلمت في مدرسة مبتعلمش ومكنش فيها اي حاجة وانا كنت عايز اتعلم فقدمت منازل وخدت المنهج عشان اقرأها ومن صغري والدي كان بيديني كتب اقرأها.

شريف سلامة: أولادي الاتنين زي بعض والاقرب ليا هو ابني سليم

وأشار شريف سلامة، خلال الحلقة: انا ولادي الاتنين زي واللي شبهي أكثر هو سليم وداليا الاقرب منها هي سلمى والتربية بالنسبالي اني افكر بالشكل اللي قدوة والافعال اللي هياخدوها، وأنا  بواكب كل شئ و السوشيال ميديا جدا وبعلم نفسي جدا دايما بذاكرة وبقرأ حاجات وبطلع على كذا حاجة مختلف ومؤخرا بدأت اتعلم الزراعة بتفاصيلها.