رئيس تحرير الجمهورية يشيد بالجبهة الوطنية: بداية جديدة نموذج للحزب القريب من المواطن ومساندته - بوابة نيوز مصر

أشاد أحمد أيوب، رئيس تحرير جريدة الجمهورية، بمبادرة"بداية جديدة" التى أطلقها حزب الجبهة الوطنية وقال "دا الجزء الاجتماعي للأحزاب، وهو مهم جداً، وهو التواصل المباشر مع المواطن، فالمواطن محتاج حزب يبقى جنبه، قريب منه، الحزب مش مجرد إنك أنت تبحث عن موقع نيابي ولا موقع في البرلمان، إنما كمان أنت بتنزل مع الناس وبتشارك الناس وشايف احتياجات الناس إيه".

وأكد أن مصر على مدار الـ 12 سنة الماضية، منذ تولي الرئيس عبد الفتاح السيسي، خلق حالة أو ثقافة تنافس في البعد الاجتماعي ما بين الأحزاب، ما بين مؤسسات الدولة، ما بين الشركات، "إزاي أنت بتبقى إيدك في إيد الناس، خاصة الفئات الأكثر احتياجاً والأقل دخلاً".

وقال: "الحزب النهاردة بيقدم نموذج مهم، ودي بداية خطوة كويسة جداً، خطوة أنا أعتقد إنها تتكرر، ويبقى عندنا منافسة ما بين أحزابنا إن كلهم يمدوا إيديهم للمواطن الأكثر احتياجاً والفئات خاصة في كل المحافظات، محافظات حدودية والقرى".

وأضاف " أعتقد دي رسالة حلوة جداً، رسالة إن المواطن شايف إنك قريب منه، شايف إنه مش بينتخب مرشح الحزب وخلاص بيسيبوه لا، ده قريبين منه في المناسبات، في الأعياد، في رمضان، في كل حاجة هم قريبين منه، فدي رسالة كويسة جداً، نتمنى إنها تكون مستمرة ودائمة إن شاء الله بإذن الله، شكراً".