كشف الفنان حازم إيهاب تفاصيل شخصيته في مسلسل انترفيو، الذي يلعب بطولته مع الفنانة رنا رئيس وخالد شباط، مشيرًا إلى أن مشاهد الأكشن أصعب ما واجهه خلال المسلسل، وستتضح ملامح الأحداث المثيرة حلقة تلو الأخرى لمعرفة ما تخفيه شخصية. 

حازم إيهاب

وقال حازم خلال لقائه في برنامج It’s Showtime الذي تقدمه الإعلاميتان دينا حويدق وسمر نعيم على شاشة قناة الحياة: المسلسل خلصان بقاله كتير اوي في شهر 10 السنة اللي فاتت وبدأنا تحضيرات من قبلها على طول، وكلمني المخرج أحمد خالد أمين وقرأت الورق وحسيت إني عمري ما عملت دور زي ده قبل كده، دور مليان مشاهد فيها أكشن وفرهدة وحسيت إن شاهين بيملك مفتاح في المسلسل، وهو الكائن الغامض ووراه حاجة لازم نفهمها.

وأضاف: ومعظم الأدوار اللي اشتغلتها قبل كده كان فيها لايت كوميدي، وبطلع أهزر وروش وشاهين عكس كده تمامًا.

أما عن الصعاب التي واجهها حازم خلال التصوير، قال: كنا بنصور في صحراء والمياه والمطر كنا بنغرز وبنقع وعمال يتفاقم مننا ومش عارفين نلمه وفيه زوايا لازم تتاخد وكنا بنعيد كتير، وكان الجو برد جدًا وبترعش وعمالين يغطوني بـ 70 حاجة ورا بعض، وطلعت بخبرة كبيرة من العمل ده، وطلعت من العمل عارف إني ممكن أعمل أكشن في يوم من الأيام، وحبيت الأكشن.

وأردف مازحًا: متهيألي أحمد السقا أو أحمد العوضي محتاجين يقلقوا شوية، لأني داخل السوق بقوة جدًا، وطبعًا بهزر، دول أخواتي.

كما أشاد حازم بتعاونه مع منصة Watch IT، قائلًا: الطريقة اللي بتشتغل بيها Watch it خرجت أجيال جديدة، عندنا دلوقتي عصام عمر وطه دسوقي ونور النبوي ومحمد الشرنوبي ولو كنا من سنتين تلاتة  قولنا لمنتج نعمل مسلسل من بطولة عصام عمر كان حد هيعمله؟ لا مستحيل، لأن ثقافتنا كانت معتمدة على نجم يبيعه باسمه العمل.

نقدم لكم من خلال موقع (موقع مولانا)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار، أسعار اليورو، أسعار العملات، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي، الدوري المصري، كأس مصر، دوري القسم الثاني، دوري أبطال أوروبا، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.