بحبك ومش هزعلك تاني.. تفاصيل اعتذار عبد المنصف لـ لقاء الخميسي بعد أزمتهم الأخيرة - بوابة نيوز مصر

وجه حار س المرمى السابق محمد عبد المنصف، رسالة اعتذار لـ زوجته الفنانة لقاء الخميسي، وذلك بعد أزمة زواجه سرا التي مانت قد أثارت الجدل خلال الفترة الماضية.

عبد المنصف يعتذر لـ لقاء الخميسي

وكان قد حارس المرمى محمد عبد المنصف، اعتذاره لـ لقاء الخميسي،وفقا لما رصده موقع تحيا مصر، عبر مداخلة هاتفية في برنامج Mirror، قال فيها: أنا بعتذر وبكبر من نفسي لأن الناس لما بتغلط لازم تعتذر.. وده مش ضعف ده قوة.. وبقول لـ لقاء أنا بحبك وفخور بيكي، إن شاء الله مش هيكون في زعل تاني.

تفاصيل معرفة لقاء الخميسي بزواج زوجها عبد المنصف

وكانت الفنانة لقاء الخميسي، قد كشفت  خلال تصريحات لها في برنامج Mirror، عن تفاصيل معرفتها بزواج  زوجها عبد المنصف سرا، قائلة: عرفت من شهر 10 من وأنا في الجونة بشكل لئيم، حد كان جاي قاصد يوصلي المعلومة ولما رجعت قولتله وبعدها بيومين قالي إن ده حصل، مستقبلتش الخبر بـ هدوء خالص وحسيت أني خدت قلم على وشي والدنيا أسودت على الكل، وعلى مدار 7 سنين محستش بأي تغيير ولا شكيت فيه ومقصرش معانا ولا كان فيه أي غلطة.

أول تعليق من لقاء الخميسي على أزمتها مع زوجها عبد المنصف

وخلال الفترة الماضية شاركت الفنانة لقاء الخميسي، صورا وفيديوهات تجمعها بأسرتها، عبر صفحتها الرسمية على موقع التواصل الاجتماعي إنستجرام، وعلقت عليه: الدنيا دايمًا بتمتحنّا، ما بين أيام تفرّح القلب وأيام تقسى علينا وتوجعنا، وساعات كتير بنضيع ونحتار مع نفسنا. وسط الوجع، بتطلع الحكمة، ونقعد نسأل: اللي عدّينا بيه كان شر ولا كان درس؟ كان خسارة ولا بداية فهم جديد؟

ومع مرور الوقت، لما النفس تهدى، والعقل يراجع، والقلب يسمع لصوته، بنفهم إن الغلط جزء من طبيعتنا كبشر. كلنا ممكن نغلط ونلخبط الطريق، لكن الفرق الحقيقي بين الناس إن في اللي يكمّل في الغلط، وفي اللي يقف، يراجع نفسه، يندم، ويرجع للحكمة والصواب.

زي ما ربنا قال: «خطّاؤون، وخير الخطّائين التوابون»… مفيش إنسان معصوم، لكن القوة الحقيقية في الاعتراف بالغلط والرجوع عنه، وربنا دايمًا فاتح باب الرحمة والمغفرة.