بعد أزماته مع طليقته.. محمود حجازي: لن أتنازل عن منع سفر ابني - بوابة نيوز مصر

تصاعدت الخلافات مجددًا بين الفنان محمود حجازي وطليقته، حيث أكد حجازي، في تصريحات له عبر وسائل التواصل الاجتماعي، أنه لن يتراجع عن قراره بمنع سفر ابنه، مشددًا على أنه ملتزم بالدفاع عن حقه كأب، رغم كل الضغوط والحملات التي يواجهها.

محمود حجازي: مش هتنازل عن منع سفر ابني

وقال محمود حجازي في منشوره الذي يرصده موقع تحيا مصر: مهما عملتوا مش هتنازل عن منع سفر ابني اللي أنا محروم منه، ولحد دلوقتي أبويا وأمي لسه ماشفهوش خالص من ساعة ما اتولد. عنده سنة ونص وبقاله في مصر ٥ شهور. ربنا موجود، وأنا أقوى من أي حاجة، لأن معايا الحق.

وأضاف: احنا منعرفش الخير فين وليه بيحصل كل ده، أكيد ربنا ليه حكمه، والحقيقة هتبان وساعتها هبقى ضامن حقي في الدنيا زي ما ضمنت حقي في الآخرة، كما أشار إلى وجود ادعاءات كاذبة تحاول طليقته التغطية بها على بعض النواقص، قائلاً: "كفايا كدب ده، أنتم حتى بتكذبوا في الشهادة العلمية وبتقولوا دكاترة. فين طيب الدكتوراه دي وهي كدب؟ بتحاولوا تداروا بيها عن نقصكم.

محمود حجازي: مهما صرفتوا من حملات عشان تدمروني مش هتعرفوا

وتابع محمود حجازي: مهما صرفتوا من حملات عشان تدمروني مش هتعرفوا ده تعب سنين، لو عايزين تتشهروا، اصبروا، لسه اللي جاي، وأكد أنه كان صامتًا من أجل حماية ابنه، لكنه قرر الآن كشف الحقائق: كنت ساكت عشان خاطر ابني، بس دلوقتي خلاص لازم الدنيا كلها تعرف حقيقتكم زي ما ربنا عارفها، فوضت أمري لله، وبجد اللي حصل ده علمني كتير، وشكرًا لكل حد سأل عني أو قال كلمة خير في حقي.

واختتم حديثه مؤكداً ثقته بالقضاء المصري: لكل حد بيتكلم عن الموضوع وكأنه عايش معانا وبيأكد اتهامات من غير دليل، حسبنا الله ونعم الوكيل. أنا واثق في ربنا والقضاء المصري، وحقي هيرجع بالقانون.

خلاف محمود حجازي وطليقته

يأتي هذا التصعيد بعد أشهر من الخلافات المستمرة بين حجازي وطليقته حول حقوق الأبوة ورعاية الطفل، والتي شغلت الرأي العام مؤخرًا، وسط دعوات للتمسك بالقانون كحل نهائي لهذه النزاعات.