منتج جديد ومبتكر يدعى الورق الحجري فى معرض القاهرة للكتاب - بوابة نيوز مصر

يشهد معرض القاهرة الدولي للكتاب هذا العام إقبالًا على منتج جديد ومبتكر يدعى الورق الحجري، وهو ورق مصنوع من خامات حجر الرخام، ويتميز بأنه صديق للبيئة، لا يتأثر بالسوائل أو المشروبات، وحتى لو غمر في الماء لا يتلف.

الورق الحجرى

وقال ياسين أحمد، أحد مطوري المنتج: "الورق الحجري بيتقطع بصعوبة، وده اللي بيخليه عملي جدًا، وكمان ممكن تكتب عليه بأي قلم عادي، سواء أقلام الجيل أو الأقلام اللي فيها نسبة ماء عالية زي الفلوماستر، وبسهولة نقدر نمسح الكتابة بأي منديل مبلل أو منشفة، وترجع الورقة زي ما كانت".

وأضاف ياسين أحمد: "مش شرط نستنى على الورقة فترة طويلة عشان نمسح الكتابة، الموضوع بسيط جدًا، ونفس الكلام لو جه عليها أي مشروبات أو سوائل".

ويتوفر الورق الحجري في عدة منتجات متنوعة، تشمل نوت بوك بأشكال مختلفة و متينة منها نوت بوك بتصاميم فرعونية مع رمز QR من الخلف للتعريف بالمعالم الأثرية في مصر، ونوتس كبيرة واسكتشات رسم، وعقود بيع وإيجار وتمليك لضمان دوام الورق وعدم تلفه مع مرور الوقت.

وحول مدى ملاءمته للمواطن العادي، قال ياسين "طبعا  يناسب أي شخص، من الأطفال حتى كبار السن وطلبة الجامعات، ممكن يكون معاه نوت يكتب ويمسح ويعيش معاه أطول فترة ممكنة"

وأشار ياسين أحمد إلى أن المنتج لاقى إقبالًا كبيرًا في المعرض، كما أنه متاح للشراء عبر الإنترنت، مؤكدًا أن الناس بدأت تتعرف على هذه التقنية المبتكرة.

أجندات صغيرة

اختيار الكتب

رف الكتب

زيارة لمعرض الكتاب

كتب معروضة

كتب من منتجات الورق الحجري

كتب

منتجات الورق الحجري