كشف المهندس عدلي القيعي، رئيس شركة الكرة في النادي الأهلي، بأن التصريحات التي أدلى بها الكابتن أحمد حسام ميدو، نجم نادي الزمالك السابق ووجه فيها انتقادات إلى حديث الكابتن سيد عبد الحفيظ، لم تكن موقفة على الإطلاق.
القيعي يرد على ميدو
وتحدث عدلي القيعي في برنامجه على قناة النادي الأهلي حول تصريحات أحمد حسام ميدو، وقال: “اه أنا جامد.. بس بتقاليدي وقوتي ونظامي وقيمي وخططي، وإني عندي تداول ناعم بين المتنافسين على قيادة النادي الأهلي ومحدش بيغل على حد ولا حد عاوز يفشل حد، ولكن في استقرار والكل بيدعم كله مهما كانت درجة المنافسة”.
وأكمل “القيعي” حديثه حول هذه النقطة قائلًا:
“ولكن المدهش والمضحك إن الذي كان يعترف ويروج ويدعو ويقول اعملوا زي الأهلي، ليه مبنعملش زي الأهلي، دلوقتي بيقول هو مش أنت جامد طب ماتسبني أكسب فلوس، هل أنا ماسكك؟، ولا أسيبك تكسب فلوس إزاي، أنا بكسب فلوس لأني بعمل الباقات، كل يوم والتاني بعمل حاجه تجبلي فلوس، وانت بنفسك قولت كده في وقت سابق”.
الجدير بالذكر بأن ميدو كان قد تحدث خلال برنامجه عبر قناة المحور حول تصريحات سيد عبد الحفيظ، وقال: “” أنت قوي وجامد زي ما انت بتقول؟ حلو أدي فرصة بقى للناس التانية تاخد فلوس وتنافس، وساعتها ممكن تورينا نفسك بقى انت جامد ولا لأ. أنا مش قادر أفهم إيه المشكلة في إن يكون فيه منافسة؟ ولا انت خايف”